Europako Batzordeak tresna multzo bat argitaratu du 2024ko uztailaren hasieran, jardunbide egokiak eta elikagaien hondakinak murrizteko gomendioak dituena.

Tresna multzoak honako hauek hartzen ditu:

  • Gaztelaniazko azpitituluak dituzten lau bideo, elikagaien hondakinak murrizteko plangintzari, inplementazioari eta ebaluazioari buruzko orientazioa emateko, ezarritako kuantifikazio-teknikak eta -protokoloak erabiliz.
    • Lehenengoak audientziaren segmentazioa nola egin azaltzen du, eta elikagaiak alferrik ez galtzeko prebentzio-ekintzak kontsumitzaile talde espezifikoentzat nola egokitu.
    • Bigarrenak elikagaien xahuketa neurtzeko metodoak azaltzen ditu.
    • Hirugarrenak elikagaien xahuketa prebenitzeko ekintzen eraginkortasuna nola ebaluatu azaltzen du. Horrez gain, elikagaien xahuketa prebenitzeko kalkulagailua eta prebentzio-ekintzen planifikatzailea ere badu.
    • Laugarren bideoak tresna multzoa aurkezten du eta hau nola erabili azaltzen du.
  • Elikagaien xahuketa sahiesteko kalkulagailua, bizi-zikloan oinarritutako tresna interaktiboa da. Prebentzio-ekintzen inpaktuak eta onurak ulertzeko garatu da. Sahiestutako elikagaien kopuruari buruzko datuak sartuz, ingurumeneko, nutrizioko eta kostuetako onurak kalkula daitezke, baita haien ekintzen edozein konpentsazio ere.
  • Ekintzen planifikatzailea online tresna interaktiboa da, eta hainbat herrialdetan ezarritako 70 ekintza baino gehiago sailkatzen ditu. Erabakiak hartzeko zuhaitz bat bezala funtzionatzen du, prebentzio-ekintza non gertatzen den, xede-publikoa, eskala geografikoa eta ekintza-mota kontuan hartuta nabigatuz. Inspirazio iturri izan daitezke arduradun politikoentzat zein profesionalentzat.
  • Informazio-liburuxkek gomendioak jasotzen dituzte arduradun politikoentzat, enpresentzat, elikagai-erakundeentzat eta eskolentzat.
  • Elikagaien xahuketari buruzko Kontsumitzailearen Europako Foroak egindako txosten zientifikoak eta komunikazio-materialak ere aurkitu daitezke.
Toolkit to reduce consumers food waste - Europako Batzordea