Europako Ingurumen Agentziak txosten bat argitaratu zuen orain dela gutxi, eta bertan azpimarratu zuen beharrezkoa dela datozen 10 urteetan premiazko neurriak hartzea, Europak 2030erako ezarritako helburuak bete ditzan.

SOER 2020 txostenak agerian uzten du zer puntutan dagoen Europa 2020rako eta 2030erako helburu politikoen betetze-mailari dagokionez, baita epe luzeagorako (2050erako) ezarritako helburu eta asmoei dagokienez ere, betiere etorkizun jasangarri eta hipokarboniko bat lortzeari begira.

Txostenaren arabera, azken bi hamarkadetan, Europak aurrerapen handiak egin ditu klima-aldaketaren ondorioak arintzeko, berotegi-efektuko gasen emisioak murriztu egin baititu. Argi dago, halaber, aurrerapenak egin dituela beste esparru batzuetan ere: uraren eta airearen kutsadura murriztu du, plastiko-hondakinak murrizteko eta klima-aldaketara egokitzeko politikak jarri ditu abian eta ekonomia zirkularra eta bioekonomia sustatu ditu. Bestetik, EBko finantza-ekimen jasangarria da finantza-sektorea etorkizun jasangarri bateranzko aldaketan inplikatzen duen mota horretako ekimen bakarra.

Dena den, aurrerapenak aurrerapen, Europak hazkuntza ekonomikoa sustatzen eta gizarte- eta ingurumen-inpaktuak kudeatzeko ahaleginak egiten jarraitzen badu, ez du etorkizun jasangarri eta oparorik lortuko, ez behintzat gure planetaren mugen barruan. Txostenak Europako herrialde, buruzagi eta arduradun politikoei eskatzen die datorren hamarkada aprobetxa dezatela beren jarduketak modu erradikalean zabaltzeko eta bizkortzeko, kalte konponezinak saiheste aldera.

  1. irudia: EB-28ko berotegi-efektuko gasen emisioen joerak eta proiekzioak, 1990-2050
ES Fig GHG-emissions

Iturria: SOER 2020, 158. orrialdea

Europaren helburuak bete ahal izateko, beharrezkoa izango da egungo politikak hobeto aplikatzea eta koordinatzea, eta gure bizi-estilo modernoaren oinarri diren ekoizpen- eta kontsumo-sistema nagusiak aldatzea ekarriko duten jarduketak sustatzea, sistema horiek (elikadura, energia eta mugikortasuna, besteak beste) inpaktu handia baitute ingurumenean.

Txostenak funtsezko zazpi esparru nabarmentzen ditu, zeinetan neurri ausartak hartu behar diren Europak egoera bideratu dezan eta 2030erako eta 2050erako ezarritako helburuak eta asmoak bete ditzan:

  1. Indarrean dauden ingurumen-politiken ahalmen guztia aprobetxatzea.
  2. Jasangarritasuna izatea politika ororen esparru nagusia.
  3. Nazioarteko ekintza jasangarritasunerantz bideratzea.
  4. Berrikuntza sustatzea gizarte osoan.
  5. Enpresa eta proiektu jasangarriei laguntzeko inbertsioak areagotzea eta finantza-sektorea ondo orientatzea.
  6. Arriskuak kudeatzea eta trantsizioa gizartearentzat bidezkoa izan dadila bermatzea.
  7. Ezagutza eta gaitasun tekniko gehiago sortzea.
The European environment-state and outlook 2020 (SOER 2020)

Artikulu interesgarriak

2024ko elikagaien xahuketaren indizeari buruzko txostena argitaratu du NBEk

NBE
12 apirila, 2024
NBEk 2024ko elikagaien xahutze indizeari buruzko txosten berri bat argitaratu du, 2021ean argitaratutako lehen txostenari jarraipena emanez. Txostenak datu zabalduak ematen ditu munduko eta nazioko estimazioekin, eta 2021ean sartutako neurketa-metodologia zabaltzen du. Jarraian, txostenaren puntu interesgarrienak azalduko ditugu. 2022an, munduak 1.050 milioi tona elikagai alferrik galdu zituen. Horrek esan nahi du kontsumitzaileentzat eskuragarri dauden elikagaien...
Irakurri gehiago

Elikagaien kontsumo jasangarrirantz

Europako Batzordea
21 uztaila, 2023
Europako Batzordeak aditu-talde independente baten txostena argitaratu du. Bertan, zenbait gako aztertzen dira estatu kideek kontsumitzaileak dieta osasungarri eta jasangarriagoak izatera animatzeko ekintzak susta ditzaten. Elikagaien jasangarritasunaren arloko Batzordearen politikak diseinatzeko, batik bat, F2F (Farm to Fork, baserritik mahaira) hartzen da estrategia nagusitzat, eta NPE (Nekazaritza Politika Erkidea) ekintza-tresnatzat, asmo handiko ingurumen-eskemak sortu ditu eta....
Irakurri gehiago

Elikagaien segurtasunaren eta nutrizioaren mundu-mailako egoerari buruzko SOFI 2023 txostena

FAO, FIDA, OMS, PMA y UNICEF
13 uztaila, 2023
Mundu-mailako pandemia batetik berreskuratzen ari garen honetan, berreskuratze-prozesu horretan desberdinkeriak daude herrialde batzuetatik besteetara, baita herrialdeen barruan ere. Gainera, mundua Ukrainako gerraren ondorioak ere ari da pairatzen, zeinak elikagaien eta energiaren merkatuak aztoratu baititu. Bestetik, gero eta argiago dago nekazaritzako elikagaien sistemek kalte handiak jasaten dituztela krisien (adibidez, COVIDarena), klimaren aldakortasunaren eta muturreko fenomeno klimatikoen...
Irakurri gehiago
Load more