Europako Batzordearen Ikerketa Zentro Erkideak (JRC, Joint Research Centre) txosten bat argitaratu du; txostena sektore-erreferentzia hau garatzen laguntzeko esparruan gauzatu da: “EMAS-Elikagaien eta edarien fabrikazio-sektorerako dokumentua”.

Dokumentu hori aurretik egindako zenbait prestaketa-azterketatan oinarrituta dago, eta honako hauek egin dituzte azterketa horiek: Andaluziako Teknologia Institutuak (IAT, Espainia), Nekazaritzako Elikagaien Industriaren arloko Ikerketarako Elkartea (AINIA, Espainia) eta Oakdene Hollins (Erresuma Batua).

Txosten honetan, elikagaiak eta edariak fabrikatzen dituztenek ingurumen-kudeaketan jarraitu beharreko jardunbide egokiak azaltzen dira. Ingurumen-kudeaketaren arloko jardunbide egokiak dira elikagaien eta edarien fabrikatzaileek ezar ditzaketen teknikak, neurriak eta ekintzak, ekoizten dituzten produktuen balio-kate osoan ingurumena ahalik eta gutxien kaltetzeko. Jardunbide horiek sektoreko adituek identifikatu zituzten, ingurumenaren arloan aitzindariak direnek ezarritako praktikak oinarri hartuta.

Txosten honetan, elikagaiak eta edariak fabrikatzen dituzten guztiek ingurumen-kudeaketan aplika ditzaketen jardunbide egokiak azaltzen dira. Hauek dira:

  • Ingurumenaren arloko ebaluazioa egitea.
  • Hornidura-katearen kudeaketa iraunkorra egitea.
  • Garbiketa-lanak egitea eta energia-eraginkortasuna hobetzea.
  • Energia berriztagarriak erabiltzea.
  • Garraioa eta banaketa-operazioak optimizatzea.
  • Hoztea eta izoztea.
  • Elikagaien soberakinak saihestea.

Gainera, bederatzi azpisektoretarako berariazko jardunbide egokiak ere aurkeztu dira. Hauek dira azpisektoreak:

  1. Kafearen prozesamendua.
  2.  Oliba-olioaren fabrikazioa.
  3. Freskagarrien fabrikazioa.
  4. Garagardoaren fabrikazioa.
  5. Haragiaren eta eskortako hegaztien haragi-produktuen ekoizpena.
  6. Fruta-zukuen fabrikazioa.
  7. Gazta fabrikatzeko operazioak.
  8. Ogiaren, gaileten eta pastelen fabrikazioa.
  9. Ardoaren fabrikazioa.

Ingurumen-kudeaketaren arloko jardunbide egokiez gain, txostenean zeinbait adierazle ere identifikatzen dira; adierazleok egokiak dira sektore bakoitzeko ingurumenaren arloko zereginetarako, eta jardunbide egoki bakoitzari lotuta daude, baita bikaintasunerako erreferentzia-puntuei ere, posible denean, aitzindariek lortutako garapen-maila aintzat hartuta.

Txosten hori elikagaien eta edarien fabrikatzaileek erabil dezakete, ingurumenaren arloan egiten duten lana hobetzeko ekintza erabilgarriak identifikatzeko informazio-iturri gisa.

Hori oinarri hartuta, EMAS (EBko Ikuskaritza eta Kudeaketa Ekologikorako Eskema) sektorekako erreferentzia-dokumentua sortu zen, elikagaien eta edarien fabrikazioaren sektoreko ingurumen-kudeaketarako jardunbide egokiei buruzkoa (1221/2009 Erregelamenduaren (EE) 46. artikuluan ezarritakoarekin bat).

EMAS erreferentzia-dokumentua, elikagaien eta edarien sektoreko ingurumen-kudeaketarako jardunbide egokiei buruzkoa